Batas pa ba ang pagbibigay ng IKAPU o TITHES, 10% sa mga Kristyano?

Karamihan sa mga pastor ngayon ay ginagawang pagkakakitaan ang relihiyon gamit ang mga talata ng Biblia dahil ito ang pinakamabilis na paraan para yumaman kasi walang puhunan at wala ding  tax na binabayaran sa gobyerno meaning buo ang makokolekta ng mga pastor.

Ang isa sa kanilang ginagamit na batayan para makakolekta ng salapi ay ang paggamit ng verse ng Malachi 3:10 na nilalapatan ng sarilng intpretasyon para makalikom..basa po tayo:

Mal 3:10  Dalhin ninyo ang buong ikasangpung bahagi sa kamalig, upang magkaroon ng pagkain sa aking bahay, at subukin ninyo ako ngayon sa bagay na ito, sabi ng Panginoon ng mga hukbo, kung hindi ko bubuksan sa inyo ang mga dungawan sa langit, at ihuhulog ko sa inyo ang isang pagpapala, na walang sapat na silid na kalalagyan. 

 

Ayan po ayon sa sariling pagka-unawa ng mga pastor dapat na magbigay ng ikapu at kapag hindi magbigay ay ninanakawan daw ang Dios. Syempre bilang taong sumasampalataya sa salita ng Dios  matatakot ka kaya mapipilitan kang gawin ang utos na ito. Sa katotohanan po hindi naman  nangangailangan ng Dios ng ikapu o anumang bagay... basa po tayo:

Act 17:25 Ni hindi rin naman pinaglilingkuran siya ng mga kamay ng mga tao, na para bagang siya'y nangangailangan ng anomang bagay, yamang siya rin ang nagbibigay sa lahat ng buhay, at ng hininga, at ng lahat ng mga bagay;

Ang utos na ikapu  sa Malachi 3:10 ay kautusang ibinigay ng Dios sa mga saserdote Levita na dapat sundin  ng mga kapatid nilang mga Israelita...takenote po sa panahon ng mga Israelites sa lumang tipan  po ang batas ng IKAPU ay bahagi ng kautusan ni Moises mula sa Dios para sa mga Israel at hindi sa panahon ng Kristiyano sa bagong tipan...basa po tayo nasa aklat ni Propeta Malachi din mismo:

Mal 4:4  Alalahanin ninyo ang kautusan ni Moises na aking lingkod na aking iniutos sa kaniya sa Horeb para sa buong Israel, sa makatuwid baga'y ang mga palatuntunan at mga kahatulan.

Ang binigyan ng kapamahalaan ng Dios na kumuha ng IKAPU sa labing isang tribu ng Israel ay ang tribu ni Levi na mga saserdote Levitas...basa po tayo:

Heb 7:5  At katotohanan ang mga sa anak ni Levi na nagsisitanggap ng katungkulang saserdote, ay mayroong utos na kumuha ng ikasangpung bahagi sa bayan ayon sa kautusan, sa makatuwid ay sa kanilang mga kapatid, bagama't ang mga ito ay nagsilabas sa mga balakang ni Abraham:

Itong mga pastor hindi naman kasama sa pagiging saserdote levitas ay ang kakapal ng pagmumukha na ginagamit ang batas na ito para makakuha ng kwarta sa mga walang malay na mga members.
Ang dahilan kung bakit  iniutos ng Dios ang pagkuha ng IKAPUo ikasampung bahagi ay para magkaroon ng pagkain ang mga saserdote levitas ...basahin po natin ulit ang Malachi 3:10...

Mal 3:10  Dalhin ninyo ang buong ikasangpung bahagi sa kamalig, upang magkaroon ng pagkain sa aking bahay,

Maliwanag po na ang mga Levites ang may karapatang kumuha ng ikapu sa kanilang mga kapatid na Israelita ( may labing dalawang tribu po ang Israel) para sila ay magkaroon ng pagkain. Dahil ang mga saserdote Levita ( tribe of Levi)  ay bawal maghanapbuhay sapagkat sila ang inatangan na mangasiwa sa paglilingkod sa sanctuario ng Dios kaya para  magkaroon ng makakain ay binigyan sila ng kautusan na  inuutusan ang nalalabing labing-isang tribo ng Israel  na magbigay ng ikapu sa kanila.

Kapag natanggap na ng mga saserdote Levitas  ang ikapu  ay kukunin din naman doon  ang ikapu ng ikapu para ihandog sa Dios at kung nabasa nyo po ang Lumang Tipan  ang paraan ng paghahandog  ng mga Levita ay sa pamamagitan ng pag-susunog sa hain.


Exo_20:24  Isang dambanang lupa ang inyong gagawin sa akin, at inyong ihahain doon ang inyong mga handog na susunugin, at ang inyong mga handog tungkol sa kapayapaan, ang inyong mga tupa, at ang inyong mga baka sa lahat ng dakong aking ipaaalaala ang aking pangalan, ay paparoonan kita at pagpapalain kita.

Num 18:26  Bukod dito'y sasalitain mo sa mga Levita, at sasabihin mo sa kanila, Pagkuha ninyo sa mga anak ni Israel ng ikasangpung bahagi na aking ibinigay sa inyo mula sa kanila na inyong pinakamana, ay inyong ihahandog nga na pinakahandog na itinaas sa Panginoon, ang ikasangpung bahagi ng ikasangpung bahagi.

Kung talagang sinusunod ng mga pastor ang utos ng ikapu na sinasagawa ng mga Israelita sa panahon ng lumang tipan ay dapat ang ikapu na nakokolekta nila sa kanilang members ay  kukuha sila ng ikapu nito at susunugin. Ang mga Israelita ay hindi pinanghihunayangan ang mga ikapu na kanilang sinusunog pero tiyak hindi po papayag ang mga pastor na yung ikapung pera na nakolekta ay susunugin ang ikapu pa nito. Malaking pera po kasi yun  ito halimbawa na lamang kung ang isang member ay sumasahod sa isang buwan ng 10, 000 pesos ang ikapu nito na 1,000 ay ibibigay nila sa kanilang pastor.

Eh! hindi lang naman 10 ang members nila..halimbawa isang milyon ang members at ipagpalagay natin ang lahat ay may avearge na salary  ng 10, 000 pesos so tuwing end of the month may isang milyon pesos  na makokolekta ang mga pastor at ang ikapu ng 1 milyon ay 100, 000 pesos ay dapat sunugin kung talagang consisitent sila sa pagsunod sa utos ng ikapu sa Malachi 3:10 na ang may karapatan lamang ay ang mga saserdote Levitas at hindi kung sino-sino lang na makabsa nito.

Ayon kay St. Paul sa sulat niya sa Hebrew ang lipi ni Levi na mga hinirang na saserdote ang may kautusan nito pero ng dumating ang ating Panginoong Jesus ay pinalitan na ang pagkakasaserdote at kailanagan rin palitan ang kautusan.

Heb 7:12  Sapagka't nang palitan ang pagkasaserdote ay kinailangang palitan naman ang kautusan.

Ang pumalit na saserddote ay ang ating Dakilang Saserdote ang ating Panginoong Jesus na lalaong higit sa mga saserdote Levitas:

Heb 9:11  Nguni't pagdating ni Cristo na dakilang saserdote ng mabubuting bagay na darating, sa pamamagitan ng lalong malaki at lalong sakdal na tabernakulo, na hindi gawa ng mga kamay, sa makatuwid baga'y hindi sa paglalang na ito, 

 

Ngayon ano po ang kautusan na dapat isagawa ng mga Kristiyano? basa po tayo...

2Co 9:7  Magbigay ang bawa't isa ayon sa ipinasiya ng kaniyang puso: huwag mabigat sa loob, o dahil sa kailangan: sapagka't iniibig ng Dios ang nagbibigay na masaya.

Sabi po magbigay tayo ayon sa pasya ng ating puso meaning hindi napipilitan, walang nakatakdang halaga, kahit magkano ayon sa pasya ng puso at hindi ayon sa dikta ng pastor kung magkano ang ibibigay natin depende sa sinasahod ng member.

Dahil iniibig ng Dios ang nagbibigay ng masaya at hindi yung tinatakot ng pastor na na kapag hindi magbigay ng ikapu ay ninanakawan ang Dios.
Katunayan pa na ang  mga utos sa lumang tipan gaya ng pagbibigay ng ikapu ay pinalitan sa bagong tipan..basa po tayo:

Heb 8:13  Doon sa sinasabi niya, Isang bagong tipan, ay linuma niya ang una. Datapuwa't ang nagiging luma at tumatanda ay malapit ng lumipas. 

Ang mga kautusan sa Lumang Tipan ay nananatili lamang hanggang sa kay St. John at ang Gospel na ang ipinapangaral:

Luk_16:16  Ang kautusan at ang mga propeta ay nanatili hanggang kay Juan: mula noo'y ang evangelio ng kaharian ng Dios ay ipinangangaral, at ang bawa't tao ay pumapasok doon na nagpipilit.

Kaya wala na yung utos na ikapu na nasa lumang tipan hindi na po ito batas sa ating mga Kristiyano  dahil ang pinagangaral ng mga Apostol ay ang bagong tipan na..basa po tayo:

2Co 3:6  Na sa amin naman ay nagpapaging sapat na mga ministro ng bagong tipan; hindi ng titik, kundi ng espiritu: sapagka't ang titik ay pumapatay, datapuwa't ang espiritu ay nagbibigay ng buhay.

Yan po malinaw ang pagkasulat na ang Bagong Tipan na ang pinapangaral ng mga Apostol...tuloy pa natin sa  verse 7 hanggang 8...basa po tayo:

2Co 3:7  Nguni't kung ang pangangasiwa ng kamatayan, na nasusulat, at nauukit sa mga bato, ay nangyaring may kaluwalhatian, ano pa't ang mga anak ni Israel ay hindi makatitig sa mukha ni Moises, dahil sa kaluwalhatian ng kaniyang mukha; na ang kaluwalhatiang ito'y lumilipas:
2Co 3:8  Paanong hindi lalong magkakaroon ng kaluwalhatian ang pangangasiwa ng espiritu?

Ayan po ang pangangasiwa ni Moises sa lumang tipan ay maluwalhati pero ang pangangasiwa ng espiritu na nsa bagong tipan ay mas lalong mas maluwalhati kaysa sa pangangasiwa ni Moises.

Napatunayan natin na magkaiba talaga ang Bagong Tipan sa Lumang Tipan at sa Bagong Tipan ang dapat sundin ng mga Krisstiyano ay ang pagbibigay ng masaya AYON SA PASYA NG PUSO at hindi ikapu na pinagdidiinan ng mga pastor sa kanyang mga members.

Salamat  sa Dios!