Ano ang pinakaiba ng Church of God sa sektang Jesus Is Lord Church o JILC?

Bigyan ko po muna kayo ng kaunting detalye ng history ng JIL o Jesus Is Lord Church, ito ay pinamumunuan ni Mr. Eddie Villanueva na nagsimula nong 1978 sa Bocaue, Bulacan. Dati itong kilala sa pangalang Jesus Is Lord Felowship  pero ng punahin ito ni Bro. Eli na ang samahan ng mga Kristiyano na nasa Biblia ay tinatawag na Church o Iglesia at hindi Fellowship ay pinalitan na nila kaya sila ngayon ay Church na at hindi na fellowship. Mabuti naman po at natuto sila salamat sa Dios.

Ang JIL ay may claim na sila ay umaabot sa milyon-milyong  members  pero noong 2001 ayon sa survey ng Social Weather Station ang voting strength ng JIL ay nasa 307,000 only o 10% lamang sa claim nilang membership..therefore hindi totoo ang claim na yun.

Katunayan noong 2004 Presidential Election ay tumakbong presidente ang kanilang puno pero natalo siya mayroon lamang 1.9 million votes ang nakuha at syempre hindi lahat ng mga yun na bumoto ay  JIL members...halo-halo na po yun mula sa ibat-ibang Christians Denominations na naniniwala marahil sa kanyang prinsipyo. At muli noong 2010 Presidential Elections ay tumakbo siya ulit pero natalo na naman..nakakuha lamang ng 1.1 million votes.

Source: http://en.wikipedia.org/wiki/Jesus_is_Lord_Church

Ang samahang ito ay may mga chapters sa Pilipinas at gayun din sa iba't-ibang bansa pero wala pa akong nababalitaan na nagkaroon sila ng mga members na foreigner at kung meron man ay hindi litaw ang bilang. Sa aking opinion naka-focus  sila sa paghihikayat ng mga filipino lalo na sa mga OFW pero pagdating sa foreign ministry para mapaanib ang ibang lahi ay hindi ganun kaigting ang pag-pupursige nila. Opo naniniwala ako na mission nila na ipalaganap ang salita ng Dios sa buong panig ng mundo dahil common mission  na po yan sa isang samahan pangrelihiyon  pero wala pa  talaga akong nakita na mayroon silang mga kaanib na ibang lahi...kung hindi po ako nagkakamali.


Maraming pinagkaibahan ang Church of God sa JIL tulad na lamang sa title ng kanilang samahan...na wala sa Biblia dahil hindi naman Jesus Is Lord Church  ang tawag sa Iglesiang na sa Biblia kundi Iglesia ng Dios o Church of God.

1Ti 3:15  Nguni't kung ako'y magluwat ng mahabang panahon, ay upang maalaman mo kung paano ang dapat sa mga tao na ugaliin nila sa bahay ng Dios, na siyang iglesia ng Dios na buhay, at haligi at suhay ng katotohanan.

Sila ay may ikapu o tithes na hindi na dapat naman utos sa panahong Kristiyano,..click here
Si Lord Jesus ay siya din ang God the Father ayon sa pagkaunawa nila na hindi sinasang-ayunan ng Biblia. Ang  ating Lord Jesus ang sinugo at ang Dios Ama ang nagsugo at dakila kaysa sa Kanya..kaya imposibleng Siya din yung Ama. Dahil kung si Lord Jesus din ang God the Father sana hindi na sinabi na dakila ang Ama sa Kanya.

Joh_13:16  Katotohanan, katotohanang sinasabi ko sa inyo, Ang alipin ay hindi dakila kay sa kaniyang panginoon; ni ang sinugo man ay dakila kay sa nagsugo sa kaniya.

Joh_14:28  Narinig ninyo kung paanong sinabi ko sa inyo, Papanaw ako, at paririto ako sa inyo. Kung ako'y inyong iniibig, kayo'y mangagagalak, dahil sa ako'y pasasa Ama: sapagka't ang Ama ay lalong dakila kay sa akin.

Ang mga babaeng members  ay hindi mahigpit na pinagbabawalan magsuot ng mga hiyas o alahas at wala silang consistency sa  pamantayan ng  kasuotan dahil kahit anong damit ay nasusuot nila pero hindi naman natin sinasabi na nagsusuot sila ng mahalay na pananamit.  Maaring sa kanilang pagkakatipon  ay nag-susuoot sila ng pormal na gayak subalit hindi lamang sana dapat dun pina-practice kundi dapat kahit nasa labas ng gatherings ay dala-dala ang kagayakang tinuturo sa Kristiyana.

1Ti 2:9  Gayon din naman, na ang mga babae ay magsigayak ng mahinhing damit na may katimtiman at hinahon; hindi ng mahalagang hiyas ng buhok, at ginto o perlas o damit na mahalaga;
1Ti 2:10  Kundi (siyang nararapat sa mga babae na magpakabanal) sa pamamagitan ng mabubuting gawa.


Marami akong nakikita at nakilala na mga members ng JIL na ang kanilang mga kababaihan ay nag-susuot ng damit na hindi kasang-ayon sa tinuturo ng Biblia. Pag-aaralan po natin yan sa ibang post kung ano ang dapat na kagayakan ang dapat na isuot ng isang babaeng Kristiyana.

Ilan lamang yan sa pinagkaiban ng Church of God sa JIL ni Mr. Eddie Villanueva marami silang aral na walang batayan sa Biblia samantalang sa Iglesia ang aral ni Lord Jesus ay pinapatupad ng buo walang labis walang kulang. Hindi naman natin kalaban ang mga JIL personal at wala tayong layuni9n na siraan sila  pero pagdating sa aral ay dapat nating ibahagi  ang katotohanan utos po kasi ng Dios na sawayin ang maling pananampalataya at pag-ayaw magpasuway ay dapat itakwil.

Tit 3:10  Ang taong may maling pananampalataya pagkatapos nang una at ikalawang pagsaway ay itakuwil mo;

Marami pong mababait at may takot sa Dios ng mga JIL members masipag din po sila sa pagpapahayag ng salita ng Dios pero hindi po yun sapat kung ang ating pananampalataya ay walang batayan sa Biblia.  Subaybayan nyo pa po ang ating mga post at tatalakayin natin ang mga maling aral ng iba't-ibang relihiyon na against sa teachings ng Biblia.

Salamat sa Dios!